Tuesday, October 16, 2018 | / - 0770586666 | - nethgossip.lk@gmail.com

"ශ්‍රී ලංකාවේදී විදුලි දුම්රිය හදලා විකුණන සුපිරි ව්‍යාපෘතියක් ඇමතිලා නිසා කොට උඩ" ඇමති මලීක් හා සුජීව සේනසිංහ අල්ලස් ඉල්ලූ නිසා මවුබිමට යූරෝ බිලියන පහක් අහිමියි?

53912Views

එක්සත් ජාතික පක්ෂ අමාත්‍ය මලීක් සමරවික්‍රම සහ රාජ්‍ය අමාත්‍ය සුජීව සේනසිංහ විසින් අල්ලස් ඉල්ලීම නිසා ශ්‍රී ලංකාවට වටිනා ව්‍යාපෘතියක් අහිමි වීමට යාමේ සුදානමක් පිළිබද පුවතක් වාර්තා වෙනවා.

මෙම ව්‍යාපෘතිය හේතුවෙන් ශ්‍රී ලංකාවට ඉතාමත් වැදගත් සෘජු රැකියා අවස්ථා විසිදෙදහස් පන්සියයකට ආසන්න ප්‍රමාණයක් නිර්මාණය කිරීමටත් නියමිතය. මෙම ව්‍යාපෘතිය ශ්‍රී ලංකාවේ විදුලි දුම්රිය නිෂ්පාදනය කර විදේශයන්ට විකිණීමේ ව්‍යාපෘතියකි. මෙම ව්‍යාපෘතියෙන් යුරෝ බිලියන පහක වාර්ෂික අඛණ්ඩ විදෙස් අපනයන ආදායමක් රටට ලැබීමට නියමිතය.

කෙසේ වෙතත් අමාත්‍ය මලීක් සමරවික්‍රම සහ රාජ්‍ය අමාත්‍ය සුජීව සේනසිංහ යන දෙදෙනා මෙම ව්‍යාපෘතියෙන් අල්ලස් මුදල් ඉල්ලමින් මෙම ව්‍යාපෘතිය ආරම්භ කිරීම ප්‍රමාද කර තිබෙන බව කියවේ. අමාත්‍යවරුන් දෙදෙනා විසින් මෙම ව්‍යාපෘතියෙන් ඉල්ලූ අල්ලස් මුදල යුරෝ මිලියන 25ක් බව කියවේ.

මේ අනුව මෙම අමාත්‍යවරුන් දෙදෙනා විදුලි දුම්රිය නිෂ්පාදන ව්‍යාපෘතිය කොමිස් මුදල් හා ව්‍යාපාර කොටස් මුදල් ලබා ගැනීමේ චේතනාවෙන් වසර දෙකක් තිස්සේ ප්‍රමාද කරන බව එම සමාගමේ සභාපතිනි අනුශ්කා රේණු මහත්මිය ජනාධිපති මෛත්‍රිපාල සිරිසේන මහතා වෙත පැමිණිලිකර තිබේ.
 
අමාත්‍ය මලීක් සහ සුජීව සේනසිංහගේ පෞද්ගලික ආපේක්ෂාවන් සාක්ෂාත් කර ගැනීම සඳහා ආයෝජන මණ්ඩලයේ අධ්‍යක්ෂ ජනරාල් තනතුරට පත්කළ පුද්ගලයකු රටේ සුබ සිද්ධිය උදෙසා කටයුතු කරනවා වෙනුවට, කරන මෙම විනාශය රටේ සංවර්ධනය නවතා දැමීමට කරන්නාවූ ක්‍රියා මාර්ගයක් බැවින් ජනාධිපතිතුමාගේ මැදිහත්වීමෙන් කඩිනම් පරීක්ෂණයක් පවත්වන ලෙසද අනුශ්කා රේණු මහත්මිය සිය ලියුම මඟින් ජනාධිපතිවරයාගෙන් ඉල්ලා ඇත.

අදාළ ඇමැතිවරයා හා රාජ්‍ය ඇමැතිවරයා ඔවුන්ගේ ඉල්ලීම පරිදි තම සමාගමේ හා තම ආයෝජකයන්ගෙන් කොමිස් මුදල් හා සමාගමේ කොටස් මුල් අවස්ථාවේදීම ලබාදීමට එකඟ නොවීම නිසා, ඔවුන්ගේ දූෂිත වැඩ කටයුතු සඳහා ආයෝජන මණ්ඩලයේ සිටින ඔවුන්ගේ කීකරු ගෝලයන් තම රැකියා ආරක්ෂා කර ගැනීම සඳහා මෙම දූෂිත ක්‍රියාවලට සහයෝගය දෙන බවත් එනිසාම එම ආයතනය දේශපාලනික මාෆියාවක් බවට පත්ව ඇති බවත් ඇය පෙන්වා දෙයි.

කෙසේ වෙතත් අමාත්‍යවරුන්ගේ මෙම අල්ලස් ඉල්ලීම නිසා ශ්‍රී ලංකාවට අහිමි වීමට යන්නේ විදුලි දුම්රිය නිෂ්පාදන ව්‍යාපෘතියකි. ශ්‍රී ලංකාවේ විදුලි දුම්රිය නිෂ්පාදනය කර අපනයනය කිරීම රටේ ආර්ථිකයට ඉතාමත් පිටිවහලක් නිසා අදාල අමාත්‍යවරුන් මෙම ව්‍යාපෘතියෙන් අල්ලස් ඉල්ලීම නවතා එය සිදු කිරීමට දැන්වත් ඉඩ දිය යුතුය.

 


 


 


 


 


 

YOU MAY ALSO LIKE