Friday, December 14, 2018 | / - 0770586666 | - nethgossip.lk@gmail.com

"අයවැයේදි ආණ්ඩුව රැක ගන්නම්, ඒ වෙනුවට කොටි සිරකරුවන් නිදහස් කරන්න" විග්නේෂ්වරන්ගෙන් රජයට කොන්දේසියක්!

5563Views

ඉදිරි අයවැයේදී රජයට බහුතරය අහිමි වුවහොත් අයවැයට පක්ෂව ඡන්දය ලබා දී රජය ආරක්ෂා කර ගැනීමට දෙමළ ජාතික සංධානය සුදානමින් සිටින බවට දේශපාලන ආරංචි මාර්ග සදහන් කරනවා. අයවැය පරාජය කරමින් මැතිවරණයකට යාමේ මෙහෙයුමක් ඒකාබද්ධ විපක්ෂය විසින් ආරම්භ කිරීමත් සමග දෙමළ ජාතික සංධානය මෙම එකගතාවයට පැමිණ තිබෙන සදහන් වේ. වත්මන් විපක්ෂ නායක ආර් සම්බන්ධන් දෙමළ ජාතික සංධානයේ නායකයා වීමද විශේෂත්වයකි.

මේ අතර අයවැයට දෙමළ ජාතික සංධානය සහය ලබාදීමට නම් රජය කොටි ත්‍රස්ත ක්‍රියා සම්බන්ධයෙන් සිර ගත කර සිටින සිරකරුවන් නිදහස් කල යුතු යැයි දෙමළ ජාතික සන්ධානය විසින් රජයට යෝජනා කළ යුතු බවට උතුරු පලාත් ප්‍රධාන අමාත්‍ය සී.වී. විග්නේශවරන් පවසනවා. පසුගියදා යාපනයේ පිහිටි ප්‍රධාන අමාත්‍ය කාර්යාලයේදී පාලාත්සභා දේශපාලන නියෝජිතයින් හා සිවිල් සංවිධාන නියෝජිතයින් සමග 13 වනදා පැවති සාකච්ඡාවකින් අනතුරුව මාධ්‍යට අදහස් දක්වමින් මහ ඇමතිවරයා මේ බව කියා සිටියේය.

එහිදී ප්‍රධාන අමාත්‍ය වරයා වැඩි දුරටත් කියා සිටියේ,

"‘මේ වෙනකොට කරුණා අම්මාන් වගේ කොටි සංවිධානයේ නායකයෙකු වශයෙන් සිට ඔහුගේ අණට ක්‍රියාකරපු තරුණයෝ අවුරුදු 20 කට ආසන්න කාලයක් සිරගතව සිටිනවා නමුත් අණදීපු කරුණා අම්මාන නිදැල්ලේ සිටිනවා මේ කාරණාව අපි ජනතාව ඉදිරියට රැගෙන යන්න ඕන කියලා අපි තීරණයා කළා.

ඒ වගේම තමයි අපි දෙමළ ජාතික සන්ධානයටත් කොන්දේසියක් ඉදිරිපත් කරන්න තීරණය කලා ඉදිරියේදී තියෙන අයවැය විවාදයේදී තීරණයක් ගනිද්දි දෙමළ සිරකරුවන් වහාම නිදහස් කලේ නැත්තම් අයවැයට විරුද්ධව ඡන්දය බාවිතා කරනවා කියලා දේමළ ජාතික සන්ධානයෙන් රජයට දැනුම් දිය යුතු යැයි කියලා අපි සිවිල් සාමාජිකයින් සමග පැවති සාකච්ඡාවේදී තීරණයක් ගත්තා. " යනුවෙනි.

මෙම සාකච්ඡාව සඳහා දේශපාලන සිරකරුවන් නිදහස් කරගැනීමේ ව්‍යාපාරයේ ජාතික කැඳවුම්කරු එම්.ශක්තිවේල් පියතුමා සහ ප්ලොට් සංවිධානයේ නායක පාර්ලිමේන්තු මන්ත්‍රී ධර්මලිංගම් සිද්ධාර්තන් ඇතුලු නියෝජිතයින් පිරිසක් සහභාගී වූහ.