Sunday, September 22, 2019 | / - 0770586666 | - nethgossip.lk@gmail.com

බස් රථයේදී මවකට සහ දියණියකට හිරිහැර කරන්න ගිය පොලිස් සැරයන්ට මගීන්ගෙන් ගුටි පූජාවක්

5014Views

රාත්‍රී බස් රථයක ගමන් ගත් මවකට හා දියණියකට හිරිහැර  කළ බව කියන පොලිස් සැරයන්වරයෙකු පිළිබඳ පුවතක් හම්බන්තොටින් ප්‍රදේශයෙන් වාර්තා වුනා. තිස්සමහාරාමයෙන් බස් රථයට ගොඩ වී ඇති පොලිස් සැරයන්වරයා  බස් රථයේ පසුපස අසුනේ සිට ඇති අතර අතරමග ස්ථානයකින් මවක් සහ දියණියක් අදාළ බස් රථයට ගොඩ වී තිබෙනවා.

එහිදී දියණිය පසුපස අසුනේත් මව ඉදිරි අසුනකත් සිට ඇති අතර පොලිස් නිළධාරියා අසුන්ගෙන සිටි ස්ථානයට සමීපව අසුන් ගෙන සිටි දියණියව අදාළ පොලිස් සැරයන්වරයා විසින් ස්පර්ශ කිරීම නිසා දියණිය එම ස්ථානයෙන් නැගිට මව අසලින් හිටගෙන තිබෙනවා. එවිට පොලිස් නිළධාරියාද එම ස්ථානයට පැමිණ මවට පිටුපස අසුනේ වාඩි වී ඉදිරියෙන් සිටින මවගේ ශරීරය ස්පර්ශ කිරීමට යෑමෙන් මවත් දියණියත් බස් රථයේ දී කලබලකාරීව හැසිරීම නිසා බස් රථයේ ගමන් ගත් සෙසු මගීන් ඊට මැදිහත්ව තිබෙනවා. 

එහිදී පොලිස් සැරයන්වරයා බස් රථයේදී පහරකෑමට ලක්ව ඇති අතර පසුව බස් රථය  හම්බන්තොට බස් නැවතුම්පලට පැමිණි පසු පොලිස් සැරයන්වරයාව හම්බන්තොට පොලිසියට බාර දී තිබෙනවා. පසුව හම්බන්තොට පොලිසියෙන් ඔහු පැන ගොස් ඊට යාබද ස්ථානයක සැඟවී සිටියදී යළිත් ඔහු අල්ලාගෙන ගොස් පොලිසියට භාරදීමෙන් පසු ඔහුව අත්අඩංගුවට ගෙන තිබුණා.

අත්අඩංගුවට පත් වු සැකකාර පොලිස් නිළධාරියාව ඊයේ (24) හම්බන්තොට මහේස්ත්‍රාත්වරයා හමුවට  ඉදිරිපත් කිරීමෙන් පසු රුපියල් ලක්ෂ දෙකක ශරීර ඇප දෙකක් මත මුදා හැර තිබුණා.

 

YOU MAY ALSO LIKE