Saturday, December 14, 2019 | / - 0770586666 | - nethgossip.lk@gmail.com

පාර්ලිමේන්තුව විසුරුවා හැරීමට පාඨලී, රාජිත හා රන්ජන්ගෙන් දැඩි විරෝධයක්..!

6263Views

එක්සත් ජාතික පෙරමුණු ආණ්ඩුව තවදුරටත් පවත්වාගෙන යන්නේද, එක්සත් ජාතික පෙරමුණ විපක්‍ෂයේ අසුන් ගන්නේද, පාර්ලිමේන්තුව විසුරුවා හැර මහ මැතිවරණයකට යන්නේදැයි අවසන් තීරණයක් ගැනීම සඳහා ජනාධිපති ගෝඨාභය රාජපක්‍ෂ මහතා සහ එක්සත් ජාතික පෙරමුණේ පක්‍ෂ නායකයන් හෙට (20දා) දින සාකච්ඡා කර තීරණයක් ගැනීමට නියමිත බව වාර්තා වේ.

අග්‍රාමාත්‍ය රනිල් වික්‍රමසිංහ මහතා සහ එක්සත් ජාතික පෙරමුණේ මන්ත්‍රීවරුන් පාර්ලිමේන්තු සංකීරණයේ ඊයේ(18දා) සවස පැවැති සාකච්ඡාවකදී මේ සම්බන්ධව දීර්ඝ ලෙස සාකච්ඡා කර තිබෙන අතර, ඒ පිළිබඳ අවසන් තීරණය හෙට දිනයේදී ගැනීමට අවධානය යොමුව තිබේ.

පාර්ලිමේන්තුව කාලසීමාව අවසන් වනතුරු ආණ්ඩුව පවත්වාගෙන යායුතු යැයි මන්ත්‍රීවරුන් පිරිසක් මෙහිදී පෙන්වාදී තිබෙන අතර, පාර්ලිමේන්තුව විසුරුවා හැර මැතිවරණයකට යායුතු යැයි තවත් මන්ත්‍රීවරුන් පිරිසක් යෝජනා කර ඇත.

මන්ත්‍රීවරුන් පිරිසකගේ විශ්‍රාම වැටුප් ගැටලුවක් මතුව තිබෙන බැවින් එක්සත් ජාතික පෙරමුණේ මන්ත්‍රීවරුන් විපක්‍ෂයේ අසුන් ගෙන මහින්ද රාජපක්‍ෂ මහතාට පාර්ලිමේන්තුවේ නිල කාලය අවසන් වනතුරු ආණ්ඩුව පවත්වාගෙන යාමට ඉඩ දියයුතු යැයි තවත් මන්ත්‍රීවරුන් පිරිසක් පෙන්වාදී තිබේ.

එසේම පාර්ලිමේන්තුව විසුරුවා හැරීමට පාර්ලිමේන්තුවේ 2/3ක බහුතර බලය ලබානොදෙන ලෙස මන්ත්‍රීවරුන් පිරිසක් අවධාරණය කර ඇත.

මෙලෙස පාර්ලිමෙන්තුව විසුරුවා හැරීමට දැඩි ලෙස විරුද්ධ වී ඇත්තේ පාඨලී චම්පික රණවක, රාජිත සේනාරත්න හා රන්ජන් රාමනායක යන මන්ත්‍රීවරුන් බවද වැඩිදුරටත් වාර්තාවේ.