Saturday, December 14, 2019 | / - 0770586666 | - nethgossip.lk@gmail.com

ජනාධිපති ගෝඨාභය පාර්ලිමේන්තු එන්නේ කොහොමද..? ගෝඨාභයගේ ඇඳුම ගැන කතාබහක්

8381Views

ගෝඨාභය රාජපක්‍ෂ මහතා ජනාධිපති ධුරයට පත්වීමෙන් පසු හැඳ සිටින ඇදුමෙන්ම පාර්ලිමේන්තුවට සහභාගි විය හැකි දැයි මේ වනවිට කතාබහක් මතුව තිබෙනවා. 

ඒ අනුව අප ඒ සම්බන්ධයෙන් පාර්ලිමේන්තුවේ ජ්‍යෙෂ්ඨ නිලධාරියෙකුගෙන් කළ විමසීමකදී ඔහු කියා සිටියේ  පාර්ලිමේන්තු සම්ප‍්‍රදාය අනුව කථානායකවරයා ජනාධිපතිවරයාගේ ඇඳුම පිළිගන්නේ නම් පාර්ලිමේන්තු සැසි වාරයට සහභාගිවීමේදී කිසිඳු ගැටළුවක් ඇති නොවන බවයි.

සාමාන්‍යයෙන් පාර්ලිමේන්තු මන්තී‍්‍රවරයෙකු පාර්ලිමේන්තුවට සහභාගිවීමේදී ජාතික ඇඳුම හෝ විදේශීය සම්ප‍්‍රදායේ සම්පූර්ණ ඇඳුමෙන් සැරසී පැමිණීම දැකගත හැකියි.

කෙසේවෙතත් එසේ නොවූ අවස්ථා කිහිපයක්ද පාර්ලිමේන්තු ඉතිහාසය පරික්‍ෂා කර බැලීමේදී දැකගත හැකි වනවා. එහිදී  ශී‍්‍ර ලංකා මුස්ලිම් කොංග‍්‍රසයේ නැගෙනහිර පළාත් මන්තී‍්‍රවරයෙකු වු එම්. මොහොදීන්, සාමාන්‍ය හිස් වැසුමට වඩා අඩියක් පමණ උස හිස් වැසුමක් පැළද පාර්ලිමේන්තු සැසියට සහභාගිවීම මෙන්ම ජනතා විමුක්ති පෙරමුණ නියෝජනය කළ අන්ජාන් උම්මා මන්තී‍්‍රවරිය  හිස වැසෙන සේ හිජාබය පැළද පාර්ලිමේන්තු සැසි වාරයට සහභාගී වීම පෙන්වා දිය හැකියි.

එසේම එක්සත් ජාතික පක්‍ෂයෙන් පාර්ලිමේන්තුවට තේරී පත් වූ ශී‍්‍රමනී ඇතුළත්මුදලි මන්තී‍්‍රවරිය විසින් සාමාන්‍යයෙන් මන්තී‍්‍රවරියන් අදින සාරියට පරිභාහිර වෙනත් ඇදුමක් ඇදීමට පාර්ලිමේන්තුවෙන් අවසර ඉල්ලා තිබුණු අතර ඊටද අනුමැතිය හිමිවුණා.