Thursday, October 1, 2020
/ - General line - 0115112241 | - [email protected]

TNA විරෝධයට බියෙන් පසුගිය රජය නැවතූ විදුලි බලාගාරය නැවතත් ඉදිකිරීමට පියවර

7283Views

දෙමළ ජාතික සන්ධානයේ විරෝධතාවයක් හේතුවන් පසුගිය රජය විසින් නවතා දමන ලද යාපනයේ තෙන්මරච්චි මරවන්පුලව් ප්‍රදේශයේ ඉදි කෙරෙන සුළං බල විදුලි ජනක මධ්‍යස්ථානය යළි ආරම්භ කිරීමට පියවර ගෙන තිබේ.

ඒ අනුව මරවන්පුලව් සුළං බල විදුලි බලාගාරය ආරම්භ කිරීම සදහා අවශ්‍ය යන්ත්‍ර සූත්‍ර මේ දිනවල ත්‍රිකුණාමළය වරායේ සිට යාපනය දක්වා රැගෙන යමින් තිබේ. අවශ්‍ය යන්ත්‍ර සූත්‍ර රැගත් කන්ටේනර් වරකට හතළිහක් පමණ ත්‍රිකුණාමළයේ සිට යාපනය දක්වා ගමන් කරයි.

මේ සුළං බල විදුලි බලාගාරය නිසා යාපනයේ තෙන්මරච්චි ප්‍රදේශයේ ජල මට්ට්ම පහත වැටීම නිසා ගොවීන්ට කෘෂිකාර්මික කටයුතු කරගෙන යාමට නොහැකි බවත් ධීවරයින්ට මසුන් මැරීමට යාමේදී බාධාවන් එල්ල වන බවටත් චෝදනා කරමින් දෙමළ ජාතික සන්ධානයේ ප්‍රාදේශීය දේශපාලනඥයෝ එම ස්ථානයේ හා උතුරු පළාත් අණ්ඩුකාර කාර්යාලය ඉදිරිපිට විරෝධතා කීපයක්ම පවත්වන ලදී.

මේ විරෝධතා හේතුවෙන් එම සුළං බල විදුලි බලාගාරය ඉදි කිරීමේ කටයුතු නවතා දමා තිබුණි.