Friday, June 5, 2020
/ - Advertising - 0773953664 | General line - 0115112241 | - [email protected]

කොස්ගොඩ තාරක කොළඹ රිමාන්ඩ් බන්ධනාගාරයේ දී කංජිපානි ඉම්රාන්ගේ සමීපතමයෙකුට අමානුෂික ලෙස පහර දෙයි

12271Views

කොළඹ රිමාන්ඩ් බන්ධනාගාරයේ රඳවා සිටින සංවිධානාත්මක අපරාධ කල්ලි නායකයෙකු වන කොස්ගොඩ තාරක නැමැත්තා එම බන්ධනාගාරයේ රඳවා සිටි කංජිපානි ඉම්රාන් නැමැත්තාගේ සමීපතම ගෝලයෙකුට අමානුෂික ලෙස පහරදීම සම්බන්ධයෙන් විශේෂ පරීක්ෂණයක් ආරම්භ කර ඇත. 

බන්ධනාගාර ‘අයි‘ වාට්ටුවේ අධි ආරක්ෂිතව සිටින කොස්ගොඩ තාරක නැමැත්තා එම වාට්ටුව පසුකර ගොස් ‘සී‘ වාට්ටුවේ රඳවා සිටි හර්ෂ නැමැත්තාට මෙලෙස පහරදී ඇති බව පරීක්ෂණ වලදී හෙළි වී තිබේ.

කොළඹ රිමාන්ඩ් බන්ධනාගාරය තුළදී පුද්ගලයෙකුට විෂ ද්‍රව්‍යයක් සහිත සිරින්ජරයකින් ඇන ඝාතනය කිරීමට ගත් උත්සාහයක්  සම්බන්ධයෙන් මෙම පහරදීම සිදුකර ඇතැයි සඳහන් වේ.

මෙම සිරින්ජරයේ සිද්ධිය පිළිබඳව බොරැල්ල පොලිසියට කළ පැමිණිල්ලකට අනුව අධිකරණයේ නඩුවක් විභාග වන බවද වාර්තා වේ.

අදාල පහරදීමේ සිද්ධියෙන් පසු කොස්ගොඩ තාරක සහ ඔහුගේ සොහොයුරෙකු සහ තවත් තිදෙනෙකු බූස්ස බන්ධනාගාරය වෙත මාරුකර යැවීමට පියවර ගනු ලැබූවද කොස්ගොඩ තාරක සහ ඔහුගේ සොහොයුරා මේ වන තෙක් කොළඹ රිමාන්ඩ් බන්ධනාගාරයේ පසුවන බවද දැනගන්නට තිබේ.