Thursday, August 13, 2020
/ - Advertising - 0773953664 | General line - 0115112241 | - [email protected]

තරඟ පාවාදීමෙන් බේරෙන්න විශාල ලෙස මුදල් වැය කරනවා - මහින්දානන්දගෙන් තවත් හෙළිදරව්වක්

2206Views

2011 ලෝක කුසලාන ක්‍රිකට් තරගාවලියේදී අවසන් මහ තරගය පවා දුන්නේ යැයි කියන සිද්ධියක් සම්බන්ධයෙන් තමා කළ පැමිණිල්ල අනුව සිදු කළ විමර්ෂණ කටයුතු ප්‍රමාණවත් සාක්ෂි නොමැති බව පවසමින් විමර්ෂණ කටයුතු නතර කළ බවට පොලිස් මාධ්‍යය ප්‍රකාශකවරයා කළ ප්‍රකාශය සම්බන්ධයෙන් විධිමත් පරික්ෂණයක් ආරම්භ කරන ලෙස ජනාධිපති ගෝඨාභය රාජපක්ෂ මහතාගෙන් ඉල්ලීමක් කරන බව හිටපු ක්‍රිඩා අමාත්‍යය මහින්දානන්ද අලුත්ගමගේ මහතා පැවසිය.

ඊයෙ (03දා) දින පස්වරුවේ නාවලපිටිය ප්‍රදේශයේ පැවති විශේෂ මාධ්‍යය හමුවකදි මේ බැව් පැවසිය. “මා විසින් 2011 ලෝක කුසලානය පිළිබදව ප්‍රකාශයක් පසුගියදා සිදු කළා. ඒ ප්‍රකාශය මම මීට කලින් දෙවතාවක් සිදු කළා.

මේ පිලිබදව හිටපු ක්‍රිඩා ඇමතිවරු සහ ක්‍රිකට් ක්‍රිඩකයන් ප්‍රකාශ සිදු කළා. 2018 වසරේ දෙසැම්බර් මාසයේ ජාත්‍යන්තර ක්‍රිකට් කවුන්සලයේ දුෂණ මර්දන ඒකකයේ ප්‍රධානියා  විසින්  හරින් ප්‍රනාන්දු ඇමතිවරයට එවන ලද ලිපියක් මා සතුව තියෙනවා.

එකෙන් කියන්නේ ලෝකයේ ටෙස්ට් ක්‍රිඩා කරන රටවල් අතරින් වැඩිම දුෂණ චෝදනා තියෙන රට ලංකාව කියලා. මේ පිළිබදව දැනට පරික්ෂණ පවත්වනවා කියලා ඇමතිවරයට දන්වලා තියෙනවා.

මා විසින් කරන ලද ප්‍රකාශනයට පොලිස් ඒකකය විසින් මගෙන් ප්‍රකාශයක් ලබා ගත්තා. මම මා සතුව තිබු සියළුම තොරතුරු ලබා දුන්නා.

මේ සම්බන්ධයෙන් ක්‍රිඩකයන් සම්බන්ධ නෑ කියලා මම පැහැදිලිව කිව්වා.මම දන්නේ නැ පොලිස් ඒකකය කුමාර සංගක්කාරවත් , මහේල ජයවර්ධනවත් කැද වුයේ කුමන පදනමකින්ද කියලා.

ක්‍රිඩකයන් සම්බන්ධ නෑ කියද්දි ක්‍රිඩකයන් කැදෙවුවේ කුමන පදනමකින්ද කියලා මම දන්නේ නැ. පොලිස් මාධ්‍යය ප්‍රකාශක ප්‍රකාශ කරලා තියෙනවා මේකට තොරතුර නැ කියලා මේ පරික්ෂණය නතර කරා කියලා.

මම කතා කරා මගෙන් ප්‍රකාශ ලබා ගත් පොලිස් ඒකකයට.පොලිස් විමර්ෂන ඒකකයේ ප්‍රධානියා මට කියන්නේ මේ පනතින් මේ පරික්ෂණය තියන්න බැ කියලා. 

තරග පවා දිමේ පනත සම්මත වුණේ 2019 , මේ සිද්ධිය වුණේ 2011. කුමාර සංගක්කාර මහාතගේ නිතිඥයා කියලා තියෙනවා මේකට කට උත්තර ලබාදෙන්න අපි බැදිලා නැ කියලා. මොකද මේ පනත වැරදි, එතකොට තමයි පොලීසියට තේරෙන්නේ ආරම්භ කරපු පරික්ෂණය වැරදි කියලා.

පොලිසිය වැරදි පරික්ෂණයක් ආරම්භ කරලා ඇණ ගත්තම , පරික්ෂණය අවසන් තොරතුරු නෑ කියන්න බැ. මේ වෙනකොට පොලීසිය තොරතුරු ලබාගෙන තියෙන්නේ තේරිම් කම්ටුවේ සභාපතිවරයාගෙන් විතරයි.

එවකට ක්‍රිකට් පාලනයේ හිටපු ලේකම්ගෙන් කට උත්තර ලබා ගත්තද? සභාපතිගෙන් ගත්තද? විධායක නිලධාරින්ගෙන් ගත්තද?

ඒ තරගාවලියට සම්බන්ධ කිසිවෙකුගෙන් කට උත්තර ලබාගෙන නඑෑ. මම පැහැදිලිව සඳහන් කරා තොරතුරු ගන්න ඕනි අය කවුරුන්ද කියලා.

එක්කෙනෙක්ගෙන් කට උත්තර අරගෙන පරික්ෂණය වහන්න පුළුවන්ද? මේ විදිහටම තමයි පොලීසිය පහුගිය කාලයෙත් සිදු කලේ.

අපි යහපාලන ආණ්ඩුවේ ඇමතිවරුන් විරුද්ධව පැමිණිලි දානකොට දවස් දෙකෙන් පැමිණිල්ල වැහුවා.

මෙතනදි වෙලා තියෙන්නේ පොලිසිය පරික්ෂණ කරලා තියෙන්නේ වැරදි විදිහට. මේ පනතට අනුව පොලිස් විමර්ෂණ එක්කයට පරික්ෂණ කරන්න බෑ.

මේකේ බරපතල කම නිසා මම කට උත්තරයක් දුන්නා. මේක විමර්ෂණය කල යුත්තේ ජාත්‍යන්තර ක්‍රිකට් කවුන්සලය විසින්.

මම ජනාධිපතිවරයාට කිව්වා පොලිස් ප්‍රකාශකයා විසින් අසාධාරණ ප්‍රකාශයක් සිදු කරලා තියෙනවා. මේ පිළිබදව විධිමත් පරික්ෂණයක් කරන්න කියලා මම ඉල්ලිමක් සිදු කලා.

පොලීසිය තමන්ගේ වැරැද්ද වහා ගන්න මේක මගේ පිට දලා තියෙනවා.

පොලිසියේ මාධ්‍යය ප්‍රකාශකතුමාගෙන් මම අහනවා එක පුද්ගලයෙක් ගෙනල්ලා ප්‍රකාශයක් ලබාගෙන විමර්ෂණය නතර කරන්න පුළුවන්ද‍

2019 සම්මත පනතින් 2011 සිද්ධිය සම්බන්ධයෙන් විමර්ෂණ කරන්න පුළුවන්ද කියලා මම අහනවා?

කුමාර සංගක්කාර මහතා කියලා තියෙන්නෙත් මේක සම්බන්ධයෙන් පරික්ෂණ කළ යුත්තේ ජාත්‍යන්තර ක්‍රිකට් කවුන්සලය විසින් කියලා.

මම එදත් කිව්වා මේක දේශපාලනියකරණය කරන්න එපා කියලා. මේක විපක්ෂය දේශපාලනය කරගෙන.

අපිට ලෝක කුසලානය දින්නන පුළුවන්, ආයේ දින්න නම් මේ තරග පවා දිම නතර කරන්න ඕනි.

මේක පිටි පස්සේ ක්‍රිඩකයෝ නැ. හැබැයි මේකට සම්බන්ධය විශාල ලෙස මුදල් වැය කරනවා මේකෙන් බේරෙන්න.”