Friday, May 14, 2021
/ - General line - 0115112241 | - [email protected]

ශ්‍රීලන්කන් ගුවන් නියමුවන් දෙදෙනෙකු තනතුරු වලින් ඉවතට : වුහාන් නගරයේ සිරවූ ලාංකිකයින් බේරා ගැනීමට ස්වෙච්ජාවෙන් ඉදිරිපත්වූ නියමුවත් ඒ අතර 

27992Views

ශ්‍රීලන්කන් ගුවන් සේවයේ ගුවන් යානා මෙහෙයුම් ප්‍රධානි හා ප්‍රධාන ගුවන් නියමු තනතුරු හෙබවූ නිලධාරින් දෙදෙනා එම තනතුරුවලින් ඉවත් කර තිබෙනවා.

මෙසේ තනතුරුවලින් ඉවත් කර ඇත්තේ ගුවන් යානා මෙහෙයුම් ප්‍රධානී ප්‍රවීන් වෙත්තමුණි හා ප්‍රධාන ගුවන් නියමු චමින්ද ඩී සොයිසාය. කොරෝනා වයිරසය චීනය ගිලගනිද්දී වුහාන් ප්‍රාන්තයේ සිරවූ ශ්‍රීලාංකිකයන් මෙරටට රැගෙන ඒමට ශ්‍රී ලන්කන් ගුවන් යානයක් චීනයට ගොඩබැස්වීමට ස්වේච්ඡාවෙන් ඉදිරිපත් වූ ගුවන් නියමුවා වූයේ චමින්ද ඩී. සොයිසාය.

පියාසර කිරීමේ බලපත්‍රය කල් ඉකුත් වූ අයකුට සහායක නියමුවකු ලෙස ඒ 330 වර්ගයේ ශ්‍රී ලන්කන් ගුවන් යානයක පියාසර කිරීමට ඉඩ සැලසීම මෙම නිලධාරින්ට එල්ල වූ ප්‍රධාන චෝදනාවකි.

ඉකුත් වසරේ දෙසැම්බර් 15, 18, 19 තෙදින තුළ සහායක නියමුවකු ලෙස සුදුසුකම් නොලත් අයකුට ඒ 330 යානාවක දකුණුපස නියමු ආසනයේ ගමන් කිරීමට ඉඩ සලසා ඇතැයි සිවිල් ගුවන් සේවා අධිකාරියේ අධ්‍යක්ෂ ජනරාල් කපිතාන් තේමිය අබේවික්‍රම ශ්‍රීලන්කන් ගුවන් සේවයේ ප්‍රධාන විධායක නිලධාරි විපුල ගුණතිලක වෙත ලිඛිතව දන්වා තිබිණි.