බණ්ඩාරනායක ජාත්‍යන්තර ගුවන් තොටුපළට බෝම්බ තර්ජනයක් එල්ලවී ඇති බවට ව්‍යාජ දුරකථන ඇමතුමක් ලබා දුන් 14 හැවිරිදි පාසල් සිසුවෙකු ගුවන්තොටුපල පොලිසිය විසින් අත්අඩංගුවට ගෙන තිබෙනවා.
එම පාසල් සිසුවා පෙරේදා කටුනායක ගුවන්තොටුපොළේ හදිසි ඇමතුම් අංශයට ඇමතුමක් ලබාදී එහි දෙවන පර්යන්තයේ බෝම්බයක් ඇති බවට දැනුම් දී ඇති බවයි වාර්තා වුනේ.
ගුවන් තොටුපොළ බලධාරීන් විසින් එම පර්යන්තය පරීක්‍ෂා කරන විට සිසුවා විනාඩි කිහිපයකින් නැවත කතා කර බෝම්බ තර්ජනයක් නොමැති බවත් එය විහිළුවක් බවත් දන්වා තිබෙනවා.
තම ක්‍රියාවේ බරපතලකම පිලිබඳව දැඩි සේ අවවාද කිරීමෙන් අනතුරුව ඔහු පොලිස් භාරයෙන් නිදහස් කර ඇති බවයි වාර්තා වන්නේ.
